Folkevald – den ekte historia

­

Du har majoritets- eller minoritetsbakgrunn, du er mann, kvinne eller ei blanding. Og du er ein av dei som har latt deg rive med av politisk debatt på mobil eller fjernsyn. Til slutt tenkte du: På tide å gå ut og endre verda.

Då eg vart vald inn i Stavanger bystyre for SV for over 20 år sidan, hadde eg og mora delt omsorg, og eg var pappa store deler av døgnet. Jobbe, hente gutungen i barnehage og til slutt, etter å ha fått han til sengs om kvelden, få lest sakspapira i tida som var att. Det var mange saker, det var mykje papir. Løna for strevet tok for sikkerhets skuld SV inn i form av beinskatt. At eg etterkvart forlet SV, hadde likevel ikkje med lokalpolitikk å gjere. Det handla meir om slike ting som bisarre anti-EU diskusjonar og utanrikspolitikk – det er ei anna skål.